Петар Печков

Објавено: среда, 17 април 2013 1240 323

Во вторникот на Градскиот пазар се случил инцидент кога еден од препродавачите удрил полицаец. Ова го тврдат сведоци на настанот при што дури na  службеното лице му потекло и крв од носот. Инцидентот го потврдија и од СВР Велес.

Според нив се случил околу 10,30 часот кога полицаец на службен должност се обидел да му врачи на еден од присутните покана  за разговор во  институциите од државата. Тој одбивал и не сакал  да ја прими, по што го удрил полицаецот по лице и го повредил. Во овој инцидент му помагале и тројца негови другари. Полицијата го истражува случајот по што ќе поднесе соодветни пријави против тепачите кои се во бегство, изјавија од СВР Велес.