Петар Печков

Објавено: четврток, 05 јуни 2014 882 268

Во просториите на Општинскиот Црвен крст започна курс за безбедност на вода и формирање на нова група на  спасители на вода за базени и аква паркови. Курсот го посетуваат 36 лица, бидејќи е регионален не само од Велес, туку и од Неготино, Кочани, Прилеп  и од Кавадарци.   

Сите посетители кои ќе положат се стекнуваат со меѓународен сертификат  признат во цел свет, за спасител на вода. Имаме битна разлика од порано, кога имавме спасители на езера и мориња а ова е за други затворени водни површини – рече Петре Петрушевски,  кој заедно со Љубе Попов и Иле Попов како инструктори и професори по физичко воспитување, се предавачи на овој курс.  

Тој  трае осум дена, седум е теоретска настава е осмиот ден е практичното полагање. Носител на  ова активност е Општинската организација нa Црвениот крст од Велес.