Петар Печков

Објавено: недела, 13 ноември 2022 327 49

Во Првата футсал лига, екипата на КМФ Кеги моби одигра нерешено со КМФ Јувентус Серава 6:6. Домашните иако претпоследни на таблета, успеаја да освојат бод и тоа со трите гола во финишот, бидејќи велешани водеа со 3:6. По ова  некомплетно  7 коло, КМФ Кеги моби е 4 со 13 бода. Во наредното коло, во Велес гостува екипата на  КМФ Проект која е второ пласирана.

Во Првата женска фудбалска лига, велешанки ЖФК Борец на гостувањето во Струмица кај ЖФК Тиверија се поразени со 14:0 (7:0) . По ова коло младата велешка екипа останува последна, без ниту еден бод и со -70 гол разлика.  Во следното коло во Велес гостува екипата на ЖФК Кочани која има освоено два бода и е 9-та.

Во Втората фудбалска лига, нов пораз за ФК Борец. Загуби дома од 13-то пласираната  ФК Саса 0:3 (0:1) и остана последен, без ниту еден освоен бод. Во следното коло, кое се игра на 25 ноември, поради настапите на државата селекција, ФК Борец гостува на ФК Беса во Гостивар,  која е 9-то пласирана со 14 бода.

Со одигрувањето на натпреварите од 11 коло во Третата фудбалска лига Југ, заврши есенската полу етапа во оваа конкуренција. Двете екипи од ОФС Велес забележаа  победа и пораз.

ВО соседското дерби во Градско, победа за фудбалерите на ФК Локомотива над ФК Марена, која беше седмо пласирана,  со 4:1 (2:0). Есенскиот дел од првенството  ФК Локомотива го заврши на 8 место од 12 екипи, освојувајќи 11 бода.

ФК Превалец загуби во прилепско Лажани со 3:2 (1:1)  од екипата на ФК Слога, која беше шесто пласирана. Овој дел од првенството превалчани го завршуваат четврти со  22 бода.