Петар Печков

Објавено: четврток, 02 септември 2021 402 97

Седумнаесет нови позитивни случаи со ковид-19 во велешко и десетмина оздравени. Тоа е билансот за изминатите 24 часа, кој го објави Министерството за здравство. Во велешко има 249 активни случаи. Се полни и Инфективното одделение од велешка болница, кое е ковид центар.

„Хоспитализирани се 48 пациенти,  од кои  40 се потврдени позитивни, пет се  сомнителни  и тројца  пациенти со негативен тест но задржани на болничко лекување. На кислородна поддршка се 30 пациенти“ - соопшти д-р Елеонора Јованова портпарол на велешка Болница.

Испишани биле двајца пациенти како оздравени со по еден негативен тест.

На Инфективно одделение се  згрижени 44 а на Интерно четворица пациенти.