Петар Печков
Објавено: понеделник, 09 јули 2018
Народниот правобранител бара сеопфатна истрага за трагедијата во Велес, во којашто животот го загубија три дечиња. Од канцеларијата на омбудсманот велат дека доставиле препорака до Министерката за труд и социјална политика, во која посочуваат дека е потребно да се испита дали семејството кое било во социјален ризик ја добивало предвидената законска помош.
Дали вака поставениот систем, содејствува со потребите на секое лице кое е социјално загрозено. Треба да се има точен преглед кое лице, за какви семејства станува збор, за какви потреби станува збор. И дали државата односно надлежните можат да излезат во пресрет на нивните потребно - кажа Васка Бајрамовска, заменик народниот правобранител.
ОЈО Велес истражува има ли кривична одговорност. Семејството било корисник на социјална помош. Од засега непознати причини, на 20 јуни попладнето избувнал пожар и за кратко време ја зафатил куќата. Во неа според првичните сознанија на јавниот обвинител, родителите ги заклучиле децата и заминале во продавница. За тоа време, од засега непознати причини, избувнал пожар и за кратко време ја зафатил куќата. Обвинителството ги побарало камерите од продавницата на Којник, каде родителите требало да пазарат. Во пожарот изгореа Драгана четири, Петар две и Теона една година.
| Tweet |
