Петар Печков

Објавено: недела, 19 април 2026 441 6

Саботата попладне, се превртел камион кон возел од патот над  Топилницата  кон каменоломот, при што возачот е се здобил со тешка телесна повреда. Од резервоарот  на камионот истекла нафтата, поради која вила доведена во опасност околината.

„На ден 18 април  во 15 часот примена е дојава за превртен камион на патот над Топилница. Територијална Против Пожарна Единица Велес излезе на лице место со едно противпожарно возило и пет пожарникари спасители. Кога пристигна нашата екипа на лице место возачот беше извлечен од возилото. Од наша страна е обезбеден просторот, да не дојде до палење на возилото поради истечената нафта“ – соопштија од ТППЕ Велес.

На 18 април во 15:00 часот во СВР Велес е пријавено дека на локалниот пат Велес- Каменолом, кај место викано „Гроот“, товарно возило „ман“ со приколка со скопски регистарски ознаки, управувано од З.К.(61 год) од Велес, се превртело на коловозот“ – соопшти Ана Милевска Ѓеоргиева, портпарол на СВР Велес.

Во несреќата со тешки телесни повреди се здобил возачот, констатирани во Општа болница Велес.

„Во Ургентен центар вчера попладне е примен пациент, возач кај кого по извршените снимања констатирана е скршеница на ребро и на прсти. Остана на одделение до денес, недела на пладне, по што беше пуштен на домашна нега“ – кажа д-р Анамарија Џунџева, портпарол на ЈЗУ Општа болница Велес.

фото интернет