Петар Печков

Објавено: четврток, 16 април 2026 1269 2

Момче снимило видео од активносгти на полигон Криволак и ги објавило на социјална мрежа. Со тоа сторило кривичнио дело и полицијата ќе му поднесе кривична пријава.

„На 15 април  во 13:40 часот во ОВР Неготино бил извршен службен разговор со Д.К.(21 год) од Неготино поради основи на сомневање за сторено кривично дело „неовластено влегување во воени објекти и правење скици или цртежи на воени објекти и борбени средства“, казниво по член 350 од Кривичниот законик. Во армискиот полигон Криволак ги имал снимено и фотографирано возилата во конвој на АРСМ и ги објавил јавно на платформа на социјална мрежа, со што ја нарушил безбедноста и тајноста на активностите кои ги реализира армијата“ – соопшти Ана Милевска Ѓеоргиева, портпарол на СВР Велес. 

За настанот бил известен јавен обвинител.