Петар Печков

Објавено: понеделник, 07 август 2023 509 32

Третото задолжително  авионско третирање против комарци годинава,  ќе се изврши на 13 август 2023 -недела, во периодот од 5 до 8 часот.  Промената на терминот е поради  неповолните временски услови најавени за в сабота информираа од Општина Велес.

Границата, на третирањето е непроменета како и претходните два наврати - Езеро Младост, село Отовица, месност Јарбош, по течението на Вардар од север од  Башино село низ Велес, се до вливот на реката Бабуна и село Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и Горно Оризари.

„Третманот се врши со средство KULFAK 50 ЕС, биоциден производ на производител  KULSAN ILАС, од Турција. одобрено од Министерството за здравство на Република Северна Македонија, број на Решение 19-359/2 од 30.04.2018 година. Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.“ - соопштија од локалната власт.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.