Петар Печков

Објавено: четврток, 27 август 2026 31 3

Пет филма, од нив еден премиeра, еден репризно со повод, се понудата за наредните денови во Киноверзум Велес.
Премиера за трилер авантурата – Пци под ѕвездите. Ридли Скот ни носи нова постапокалиптична визија, а Џејкоб Елорди води опасна борба за преживување на крајот на светот. Вирус го збришал речиси целото човештво. Преживеаните се соочуваат со пљачкосувачи наречени жнејачи. Главниот лик, Хиг, е пилот којшто го преживеал вирусот, но ја изгубил сопругата. 
 
По повод 25-годишнината, Хари Потер и Каменот на мудроста доаѓа во Киноверзум. Од 27 август, само една недела, повторно доживејте го почетокот на незаборавната авантура – првото патување во Хогвортс, магијата, пријателствата и светот што освои милиони гледачи. Филмот е без превод. 

Се прикажуваат и најгледаните филмови во светот.  
Човек пајак –нов ден, Спајдер мен, филм кој достигнува приход од две милијарди долари.  Заборавениот Питер Паркер  живее сам и целосно му се посветува на животот како Спајдермен сѐ додека сè поголемиот притисок не предизвика опасна промена и не се појави моќен нов непријател. Деноноќната борба против криминалот во свет што не се сеќава на него - и тагата што ги гледа старите пријатели кои продолжуваат без него - поттикнува промена кај Питер што тој можеби нема моќ да ја контролира. Но таа трансформација е можеби единственото нешто што може да ја запре ужасната нова закана за градот и оние што ги сака - моќен никаквец што никој не може ни да го види. 

Втор по гледаност минатаа седмица во светот беше  хоророт „Подмолно: Тие се меѓу нас“, Амилија Ив ја игра Џема, младата мајка што ја одгледува ќерка си во куќата во која самата растела. Таа открива дека може да патува во оној свет, царството на изгубени души што се наоѓа во срцето на универзумот на Подмолно. Кога почнува да ја прогонува непознато зло, Џема открива способност што менува сè: таа не само што влегува во оној свет, туку е способна и она што живее таму да го врати назад во реалниот свет. Кога демоните ќе ја сфатат нејзината моќ, нашиот свет станува нивно сврталиште. 

Се прикажува и анимираниот „Мињони и чудовишта“