Петар Печков

Објавено: недела, 02 март 2014 587 293

Медиа/Арт клубот од Велес и Младински oбразовен форум ве покануваат на еднодневна проекција на документарни филмови од европска продукција, на 03 март, понеделник во театарот „Ј.Х.К Џинот“ во Велес со почеток во 14 часот.

Кино.zip e целодневен настан наменет за средношколци, студенти и сите заинтересирани за филмската уметност. Во соработка со Make Dox ќе може да проследите проекција на неколку документарни филмови од кои еден премиерно и креативна работилница за истите.

Мотивација за креирање на овој настан членовите од медиа/aрт клубот добија од повеќегодишната ситуација со киното и исчезнувањето на филмската култура кај граѓаните.
Целта на настанот е да се поттикне враќањето на кино-културата во градот и младите да се мотивираат да ја практикуваат истата.

Првата проекција ќе започне во 14 часот, а останатите ќе се одржат се до 18 часот, влезот е бесплатен. Дојдете во понеделник во велешкиот театар „Ј.Х.К Џинот“ и потсетете се како е да се има кино во градот.