Петар Печков
Објавено: понеделник, 25 септември 2023
Се одиграа натпреварите од второто коло на Третата фудбалска лига центар. Победа за ФК Превалец, реми за ФК Борец и пораз за ФК Локомотива oд Градско. На гостувањето во Крушево против ФК Питу Гули, екипата на ФК Превалец победи со 1:2 (0:2). ФК Борец одигра реми во прилепско Лажани со ФК Слога 1:1. Во соседското дерби во кавадаречка Марена, истоимената екипа со високи 7:1 славеше над ФК Локомотива од Градско. Во следното коло ФК Превалец игра со ФК Марена, ФК Борец со ФК Росоман а ФК Локомотива со ФК Бучин.
Во Втората женска фудбалска лига ЖФК Борец победи со 3:4 во Охрид, против екипата на ЖФК Билјанини извори. Во првото коло велешанки одиграа реми дома.
Започнаа натпреварите од Првата ракометна лига. Викендов настапи екипата на МРК Борец, која дома загуби со 19:54 (9:25) од РК Делчево. Тие настапуваат во групата „А“ . Во групата „Б“ настапува РК Бисинов, кој ова коло беше слободен.
фото ЖФК Борец/ФБ
| Tweet |
