Петар Печков
Објавено: понеделник, 08 февруари 2021
Со пораз одбојкарите на ГОК Борец ја започнаа сезоната во втората фаза од разигрувањето за првак на Македонија. Во салата Гемиџии тие во саботата се поразени со 1:3 (20; 18; -18, 15) од екипата на ОК Вардар. Ова е втор пораз за велешани во оваа фаза од натпреварувањето, првито беше минатата година. Во следното коло, викендот играат со екипата на ОК Универзитет во Тетово.
Претходно в среда во четврт-финалето од Купот играат со ОК Шкендија во Тетово. Со истиот противник, следната среда ќе играат реванш во Велес.
Викендов се играше осмина финалето од футсал Купот на Македонија. Екипата на КМФ Кеги моби победи дома со 7:2 против второлигашот КМФ Овче Поле од Свети Николе и се пласира меѓу осумте екипи. Екипата на КМФ Велес требаше да игра во Кратово со истоимената футсал екипа, но таа не се одигра.
Карате федерацијата ги избра најдобрите за измината 2020-та година. Најуспешен сениор до 21 година во ката машки е Георги Бановски додека во ката кадети за женски е Мартина Арсовска и двајцата се членови КК „Гладијатор“ – Велес.
| Tweet |
