Петар Печков

Објавено: четврток, 15 август 2024 63 14

Наредните седум дена, пет филмови на репертоарот на 3Д киноверзум во Велес, две се премиери.

Хоророт Alien: Romulus е седмиот филм од франшизата „Алиен“. Додека пребаруваат во длабочините на напуштена вселенска станица, група млади вселенски колонизатори се соочуваат со најстрашната форма на живот во универзумот.

Втора премеира е за анимираниот Комбат вомбат 2, приказни од скриениот град. Злобен технолошки генијалец се заканува да го претвори градот во метаверзум симулација, оставајќи го Борбениот Вомбат да го спаси  градот.

Романтичната драма, „Ова завршува со нас“ која имаше голема гледаност во светот изминатиот викенд, втора седмциа е на репертоарот на 3Д киноверзум Велес. Работен според истоимениот роман, кој имаше голем успех кај читателите, снимен е филмот.  „Ова завршува со нас“, првиот роман на Колин Хувер адаптиран за големиот екран, ја раскажува трогателната приказна за Лили Блум (Блејк Лајвли), жена што го надминала своето трауматично детство за да почне нов живот во Бостон и да го брка својот животен сон да отвори сопствен бизнис.  Случајна средба со шармантниот неврохирург Рајл Кинкејд (Џастин Балдони) запалува интензивна поврзаност, но додека тие се вљубуваат еден во друг, Лили почнува да гледа работи кај Рајл што ја потсетуваат на односот на нејзините родители. Кога првата љубов на Лили, Атлас Кориган, (Брендон Скленар) наеднаш ѝ се враќа во животот, нејзината врска со Рајл се напнува и Лили сфаќа дека треба да се потпре на сопствените сили за да донесе една невозможна одлука за иднината.

Aкциските јунаци Дедпул и Вулверин, во истоимениот филм на Марвел, е голем летен хит. Двајцата супер херои  се здружуваат за да го победат заедничкиот непријател.  Незаборавна акција, смеа и адреналин во друштво на омилените херои.

На репертоарот втор месец е „Опако, наопаку“ анимиран филм кој прв во 2024 заработи повеќе од милијарда долари.  „Опаку, наопаку“ е американски анимиран, семеен филм за сите возрасти, продолжение на  успешниот филм од 2015 година. Направете место за нови емоции со најновиот филм од Дизни! Среќата, тагата, лутината, стравот, гадливоста силно ќе бидат потресени со доаѓањето на тежината, досадата, зависта, срамот.  Филмот е во продукција на Pixar Animation Studija  и Walt Disney.

Анимираниот „Подлиот јас 4“ петта  седмица е на репертоарот и анимиран филм кој со сите 4 дела заработи пет милијарди долари.   Гру, омилениот светски супернегативец кој по многу пресврти стана агент на Лигата на негативци, се враќа во возбудливата, смела нова ера на хаосот на Minions во новото продолжение продуцирано од студиото Illumination.