Петар Печков

Објавено: сабота, 12 мај 2012 1508 364

Повеќе од шестотини мотористи  беа учесници  на третата Мото бич забава која се организираше на велешкото езеро Младост. Освен од Македонија, имаше гости од Бугарија, Грција, Србија и еден моторист од Австралија. Тие дефилираа низ градските улици на Велес, а километарската  колона го привлече вниманието на велешани, со звукот на моторите и мирисот на горивото. Мотото на забавата е „Носи кацига - биди безбеден,,

На овој начин се дружиме, мотористите од  земјава, но и соседството.  Освен дефилето низ градот, имаме и рок концерт. Оваа забава има и хуманитарна цел. Сите учесници донираат средства, кои потоа ги доделуваме на некое семејство или поединец, на кого му е потребна помош – вели Горан Јовиќ, претседател на  Мото клубот „Носачи на крстот“. 

Вечерва на плажата пред хотелот Романтик има рок концерт на кој  настапуваат  „Crossroad blues band “ и „Day Off“, професионален ди-џеј и неколку велешки групи. Организатор на забавата  е Мото клубот „Носачи на крстот“ со општина Велес.