Петар Печков

Објавено: четврток, 18 декември 2014 1515 269

Кавадарчанец е тешко повреден, откако вчера попладне бил удрен од непознат возач, кој побегнал од местото на несреќата.   И.Т ( 33 год)  од село Ваташа излегол од неговиот автомобил марка ,,форд,,,   да види што проблеми имал со ауспухот, кога го удрил автомобил, кој не сопрел, туку  продолжил со возењето.

Несреќата се случила во средата попладне околу 16,30 часот на локалниот пат Велес - Градско, кај селото Виничани.  Веднаш со возило на Итна помош повредениот е пренесен во велешката Болница.  

И.Т. со неговото семејство, бремена сопруга, дете, и родителите се враќале дома во Ваташа, кога се случила несреќата. Семејството на возачот, како очевидец  било шокирано од настанот,   а ќе треба да даде одговор, кој автомобил ја предизвикал несреќата а потоа побегнал од местото  на несреќата.

 Од СВР Велес ја потврдија информацијата, дека е повреден пешак кој бил на коловозот.  

Портпаролот на Општата Болница од Велес, д-р Силвана Мишкова информираше дека пациент е примен  на Хируршкото одделение, а поради тежината на повредите, бројните скршеници веднаш е префрлен во Ургентниот центар во Скопје.