Петар Печков

Објавено: вторник, 21 јануари 2014 723 273

 Во општина Велес заедно со Чашка и Градско има пет илјади земјоделци кои одгледуваат најмногу житни култури,  најмногу јачмен и пченица, помалку р`ж, пченка, ориз и овес.  Тие се  засадени на повеќе од половината земјоделско земјиште. Потоа доаѓаат лозјата и тутунот. Ова се бројките на Подрачната единица на  Министерството за земјоделие.

Од нив само една десетина или 500 се регистрирани во Фондот на ПИОМ  како индивидуални земјоделци и си го плаќаат пензионерското и здравствено осигурување.  Во пошироката општина Велес има доделено повеќе до 10 илјади хектари обработливо државно земјиште под закуп, кое е доделено на 500 апликанти.

Пред два месеци  400 сопственици  се пријавија за легализација на повеќегодишни насади на лозја и овоштарници во општините Велес, Чашка и Градско. Во овој период се легализираа и 900 трактори и приклучна механизација – изјави Антонио Трајковски раководител на ПЕ на министерството за земјоделие. 

Насадите на лозја и овоштарници кои се легализирале лани, биле подигнати ан диво од страна на лица кои за тоа користат државно земјоделско земјиште.