Петар Печков

Објавено: понеделник, 02 септември 2013 946 300

 Во првиот уписен рок за бруцошите во Велес се пополни   Техничкиот факултет од Битола  отсек информатика и компјутерска техника диспензирана настава Велес каде се запишаа 54 во прва година во државна квота  и 8 вонредни.  Овде нема повеќе слободни места. За разлика од него  на

Земјоделски факултет диспензирани студии по винарство и лозарство во првиот уписен рок  се пријавил само еден, тој не е примен па  остануваат 40  места за упис  за редовни со надомест од 100 евра. Останува загатка, зошто  завршените средношколци велешани немаат интерес за ова наставна програма, оти и лани за неа  никој не беше пријавен.

На Економски факултет диспензирана настава во Велес  по сметководство и ревизија во првиот уписен рок примени се 19 редовни во државна квота од 40 колку што предвидуваше уписот.  На Факултетот за туризам и угостителство од Охрид во Велес на   диспензирана паралелка  хотелско ресторански менаџмент се запишале 11 бруцоши од 40 колку што е предвидено за упис. 

На Техничко –технолошкиот факултет кој има седиште во Велес во прва година на  нутриционизам  примени се 23 редовни и 2 вонредни а на биотехнологија примени се 3 редовни и 2 вонредни. И на двата смера се примаа по 40  редовни студенти. Вториот упис е на  3-ти и 4-ти септември.