Петар Печков

Објавено: понеделник, 22 април 2013 2291 276

По само десет секунди Александар Пановски од ФК Борец од Велес   постигна гол  со стана меѓу најбрзо постигнатите во земјава.    Тој во 23-тото коло од Третата лига Југ  се запиша во листата на стрелците на брз и ефектен начин. По изведувањето на почетниот удар, беше проиграно левото крило, кое  брзо продре, нафрли на работ на шеснаесетникот а  Пановски со силен удар го погоди голот, откако и гостинскиот голман слабо интервенираше.

Така почна голедата на Градскиот стадион во Велес,  каде Борец славеше со високи 8:0 против екипата на Сирково.  ВО ФФМ не располагаат со евиденција  кој е најбрзо постигнатиот гол во Македонија. Но секако овој на Пановски е на врвот. А ФК Борец брка и друг рекорд, да го заврши првенството во овој ранг без пораз. По 23 одиграни натпревари велешани се први со 19 победи и три нерешени средби, а до крајот на првенството остануваат уште седум кола.