Петар Печков

Објавено: среда, 05 октомври 2016 1031 234

На прашањето од Петре Саздов дали е можно д а се постават  забавувачи, кај народот познати како  легнати полицајци во месноста Речани и населбата Превалец  одговорот од локалната власт е:  За поставување на средства за забавување на брзото возење потребно е да се изготви проектна документација и одобрување од МВР СВР Велес.  Стручни служби ќе излезат на терен и направат увид и доколку има услови, да се пристапи кон изработка на проекта документација.  

Нада Трајкова праша дали е можно во дворот на поранешното ОУ Јордан Хаџи Константинов Џинот да се постави урбана опрема, одговорот е:  Општина Велес планира поставување на урбана опрема во близина на дворот, бидејќи тој е заграден и со физичко обезбедување  ангажирано од Општината. 

Советникот Ангел Димов праша дали ќе се постави осветлување на улица Хаџи Косте во населба Речани а одговорот од локалната власт  е: Во тековната 2016-та година, од ставката проширување  на   мрежи, ќе се постават нови светилки на оваа улица. 

Живе Катранџиев праша дели е можно во летниот  период градскиот сообраќај наместо до21 часот, да сообраќа до 22 ч. Одговорот од  надлежните од општината е:  Промена нa возен ред прави исклучиво  превозникот, претходно по доставено барање  до  Општината за регистрација нa возен ред.