Петар Печков

Објавено: недела, 23 ноември 2014 814 184

 Се реосветни црквата Св. Вознесени Христово, Св. Спас  која претходниот месец  се реновираше по иницијатива на МПЦ - ОА  Повардарска Епархија а  со донација од православните верници од велешкиот крај.

 Утрово беше реосветен новиот жртвеник, иконостас и иконата на Св. Тома, чин кој го изврши Митрополитот Повардарски Владиката Агатангел .

Црквата Св. Спас,  на левата страна од градот, се обнови, се промени на дрвенаријата, патосот, олтарниот дел, се постави подно греење,  промена во боите на иконостасот, смена на прозорите, како и мермерно обложување на престолот.   Целосната реконструкција е изведе  со донации од  неколку велешки фирми. Последната обнова храмот ја имаше во 1980-та година а претходно 1931 година.  

Свети Спас е црква изградена во подножјето на ридот Свети Илија. Се претпоставува дека потекнува од 14 век, а е обновена во 19 век. Последните зографски работи ги извел прочуениот велешки зограф Ѓорги. Иконите и иконостасот во црквата по големина се еднакви и претставуваат симетрично декоративна целина. Иконата на Ное потекнува од 1817 година. Иконата на свети Петар и Павле датира од 1819 година. Камбанаријата не е постара од 1912 година.