Петар Печков

Објавено: вторник, 13 август 2013 820 263

 Мејсур Зеќиров ( 41 год) од Велес доби две и пол години затвор затоа што  за две седмици одзел  десет автомобили,   ги возел па ги оставил.  Тој во периодот од 6-ти до 21-ви  октомври 2011 во десет наврати  одзел туѓи патнички возила, сопственост на различни оштетени, со намера да ги употреби за возење. Откако ги возел, кога им снемувало гориво, ги оставал  автомобилите на различни делови од градот, некои и  во поблиската околина на Велес. 

Во овие десет обиди седум пати  одзел автомобил  марка тико,   и по еднаш голф, фиќо и застава 128. Во други  пет други случаи тој од пет автомобили одзел   2 акумулатори 2, цд плеери,  и еден радио касетофон.  За овие дела Зеќиров  е осуден за тешка кражба и одземање моторни возила, за што доби единствена казна од 2,5 години затвор.  Тој е осуден за други дела и се наоѓа на издржување казна затвор во Идризово.