Петар Печков

Објавено: вторник, 16 јули 2013 2512 307

Велешанец беше пронајден мртов во кругот на болницата, откако неколку дена лежел починат. Зоран Банев (29 год) бил регистриран зависник и корисник на метадонска терапија во Дневниот центар    при ЈЗУ Општа Болница Велес. Се претпоставува дека Банев бил починат четири дена, бидејќи телото  во лоша состојба.

Најден е труп, на периферијата од Болницата на лице  кое е нарко зависник. Телото го пронашол негов другар, пријател исто така пациент и зависник. Последен пат починатиот бил во Дневниот центар на 11 јули, четврток заради  примање на редовна метадонска терапија а пронајден е во понеделникот  околу 10,30 часот. Местото каде е пронајден е недостапно и  скриено од обезбедувањето на институцијата  – изјави д-р Силвана Мишкова портпарол на велешката Болница.  

Увид на местото каде е пронајден Банев извршиле истражен судија, обвинител и СВР Велес а телото е дадено на  обдукција. Неговите блиски  велат дека тој започнал со  користење на опијати откако пред неколку години неговиот брат настрадал во сообраќајка, за потоа да стане и зависник.  Ова е трет  смртен случај годинава  на пациент од Дневниот центар за зависници во Велес.  од Велешката Болница и натаму инсистираат на дислокација на Дневниот центар од зградата каде се га се наоѓа, сместен е во дел од Нервното одделение.

Иако болничките раководство инсистираат Дневниот центар да се дислоцира од  сегашните простории, тоа не е случено. Реагираме оти освен што тука доаѓаат болни, попречува во работата   на персоналот,  во близина на 30 метри е Основно училиште. Имаме технички пречки кои ги создаваат пациентите на Дневниот центар , затоа се бара негова дислокација – вели др.  Мишкова.

Во близината од овој центар, паркот околу е преполн со  ампули, шприцови, игли кои ги користат зависниците.