Петар Печков
Објавено: петок, 20 март 2015
За вчерашниот протест на велeшките средношколци, тие се пожалија дека имале притисоци од дел од професорите. А во Економското дури им биле и затворени вратите. За овој настан тие писмено реагираа.
Во едно од стручните училишта, „Јовче Тесличков“, директорката Нада Јованова се повика на екстремности и ги заклучи училишните врати, не дозволувајќи им на стотина ученици да испаднат на марш. Средношколците беа принудени да се префрлаат од прозорци и порти високи до едно и пол метро. Дваесетина од нив успеаа да се ослободат, додека обезбедувањето брзо реагираше и ги спречи останатите во намерата - велат од раководството на Средношколскиот пленум Велес.
Прозваната директорка реагираше на ова соопштение, давајќи објаснување што се случувало вчера во Економска.
Стандардна процедура е дека вратите на училиштето се затворени постојано. Единствено се отвораат во време не големиот и малиот одмор. Некаде околу 12 часот собрана е поголема група,која претходно ниту побарала ниту најавила дека ќе оди на протест. Кога добив информација, за 10 минути врата се отклучи и учениците слободно заминаа. Само од толку што беа во холот, малкумина беа на протест. Имам чувство дека сакаа само да не одат на настава а не да протестираат - рече директорката Нада Јованова.
фотографиите се испратени од средношколскиот пленум Велес
| Tweet |
