Петар Печков

Објавено: среда, 08 март 2017 1005 305

Нивото на реката Вардар во Велес, мерено овој месец е далеку од просекот. Ова го покажуваат податоците на Управата за хидро -метеоролошки работи од Скопје. Ако просекот за месец март во Велес е 98 цм  од првиот ден измерените вредности се 70. Ова не податоци кои не  се забележани за месец кога реката треба да има далеку повисок водостој.  

Врнежите кои паднаа изминатиот период се под просечни, споредени со  подолг временски период.  Земјата е главно сува а нивоата на водотеците  во државата,  на кои се врши мониторинг  се под просечни  – стои во писмената информација на УХМР.

Месеците наназад, февруари, јануари измерениот водостој на реката Вардар во Велес постојано беше над просекот.   Поради ниското ниво деновиве во зимен период во Велес се појави среде град, островче кое вообичаено го има преку лето.