Петар Печков

Објавено: вторник, 27 септември 2011 830 317

За половина година  велешката полиција регистрирала  142 прекршоци на јавната чистота. Од нив  29 граѓани прифатиле да работат јавна работа, да чистат јавни површини а не да платат казна, додека од останатите граѓани ниту еден досега ја нема платено глобата.

Ова е информацијата за полугодишната работа на СВР Велес, во која  се евидентирани и прекршоците за јавната чистота. Тоа е фрлање смет,  отпушоци од цигари, но и перење   и миење на  автомобили на јавни површини, на тераси и слично. На прашањето од советниците зошто овие 113 лица не ја платиле казната, од полицијата немаа одговор, бидејќи тоа не е во нивна надлежност.

п.с. За потсетување казниво е подготување ајвар на јавна површина, иако досега нема ниту една изречена глоба за тоа што го прават изминатите три години, откако важи Зконот, стотици велешани. Како што го работеле и со стотина години наназад.