Петар Печков

Објавено: четврток, 12 јануари 2012 748 334

Управните служби при Секторот за внатрешни работи Велес во Велес започнаа со двосменско работење од денес четврток 12 јануари. Граѓаните кои сакаат да поднесат барање за добивање лична карта и пасош, ќе можат тоа да го сторат во простоориите каде се сместени Управните служби секој работен ден од 9 до 20 часот.

Сабота  15 јануари е работен ден за Управните служби. Сите граѓани кои имаат потреба од добивање на  било каков личен документ, може да го сторат тоа во времето од 08,30- 16,30 час.

Сите оние граѓани кои веќе имаат закажано термин за поднесување барање за добивање личен документ како и сите оние граѓани кои немаат закажано термин, ќе бидат примени од службениците во Управните служби и ќе им биде овозможено правото на добивање одреден документ, велат од СВР Велес.

Со цел да им излезат во пресрет на граѓаните заради почитување и запазување на крајниот рок за замена на старите документи, Управните служби ќе работат во две смени се до 27.02.2012 година- кога е крајниот рок за замена на старите лични карти.