Петар Печков

Објавено: среда, 07 септември 2016 954 277

Во автомобил  кој го управувал скопјанец, велешката полиција пронашла тревкаста материја,за која с е сомнева дека е марихуана. И тоа во количина од 150 кг. Автомобилот бил откриен во средата вечер, при рутинска контрола на полицијата. 

 Околу 19.50 часот на локалниот пат Башино село -Велес, при контрола на автомобил  „Фолксваген Венто“ со кумановски регистарски ознаки, управувано од С.А. (38) од Скопје, полициски службеници во багажниот простор пронашле два големи куфери и три јутени торби со непозната тревкаста материја -најверојатно марихуана, со вкупна тежина од околу 150 килограми – изјавија од МВР.  

Увид на местото на настанот извршила екипа од СВР Велес. Пронајдената материја со потврда за привремено одземени предмети, ќе бидат доставени за вештачење. С.А. е приведен во СВР Велес и по целосно документирање на случајот, против истиот ќе биде поднесена соодветна пријава.