Петар Печков

Објавено: понеделник, 03 јануари 2011 875 441

Жителите на поголемиот дел на Европа, Северна Африка и Блискиот Исток утре во претпладневните часови ќе може да го видат првото од серијата делумни затемнувања на Сонцето во 2011 година.

Појавата гледано од Земјата во целина ќе започне во 7:40 часот, а „последниот контакт“ меѓу Сонцето и Месечината ќе биде во 12:01 часот.

Над територијата на Македонија затемнувањето ќе започне во 8:00 часот, а ќе заврши во 10:57 часот. Максималното „преклопување“ на Месечината со Сонцето ќе се случи во 9:24 часот.

Во текот на 2011 жителите на Земјата ќе бидат сведоци на шест затемнувања, од кои четири делумни на Сонцето и две целосни на Месечина.