Петар Печков

Објавено: петок, 05 октомври 2012 1092 349

По неколку годишна пауза Македонското лекарско друштво за Велес се реактивираше. Избрани се негови нови членови а за Претседател е назначен др. Петре Кодовски, секретар  др. Марина Леова, благајник  др. Силвана Мишкова , а др. Владислава Христова и др. Тоше Јаковлев се членови на Претседателството.

Ова здружение активно работеше до пред четири години а по заминувањето во пензија на д-р Никола Нацев замреа и неговите активности. Сега докторите од градот очекуваат дека со неговото конституирање ќе имаат можност за повторно  стручно надградување преку организирање на семинари, советувања, симпозиуми, конгреси, собири, стручни состаноци. Целта на  ова лекарско здружение е зачувување и унапредување на достоинството и угледот на лекарската професија, и заштита на интересите на лекарите.