Петар Печков

Објавено: вторник, 24 јули 2012 876 340

          Дваесет   талентирани ученици на возраст од 13 до 16 години, од  општински основни и средни училишта од Велес, заминаа на одмор во Охрид. Тие  таму ќе поминат 10 дена како награда за вложениот труд и постигнатите резултати на општинските  и  државните натпревари и други првенства на кои освоиле награди и признанија. Во детското одморалиште „Радости“ во Охрид ќе летуваат и другаруваат младите и талентирани поети, спортисти, физичари, математичари, уметници.

Селекцијата на учениците кои летуваат е на  училиштата. Летувањето  го овозможија и помогнаа Општина Велес, Сојузот за грижа и воспитување на децата и Друштвото за поддршка и развој на деца и младинци на Република Македонија. Општина Велес преку Здружението за грижа за здраво поколение од почетокот на наредниот месец ќе испрати десет деца на седумдневно  бесплатно  воздушно лекување на Пелистер. Тоа се деца со здравствени проблеми од децениското загадување на Велес.