Петар Печков

Објавено: вторник, 16 јуни 2020 23352 168

Вчера на пладне животна драма, за спас на седумгодишно дете. За неговиот живот се бореле и докторите од Итната помош и докторите од анестезиологија од велешка Болница.

За жал детето било донесено починато уште во Брзата помош. Од полицијата инфомираат дека детето имало претходно здравствени проблеми а вчера утро, понеделник, му се влошила состојбата.
 
Во 11.54 ч. на Итната помош  од страна на двајцата родители донесено е  седумгодишно дете.   Тоа било без знаци на живот, со видливи мртовечки дамки по телото, со подуен стомак над ново на граден кош,  и веднаш е пристапено кон реанимација. Даден е адреналин, обезбеден е дишен пат и веднаш потоа со возило е пренесено на анестезија на Болница, каде бил продолжен третманот - изјави д-р Страхил Тодоров портпарол на Здравствен дом Велес. 

Во Велешка Болница детето е донесено во 12,35 ч на одделението за анестезија.
 
Детето е примено без знаци на живот, без срцева акција. Веднаш е започната реанимација, која била подолготрајна, но за жал без резултат - изјави др- Весна Николовска Неделкова, портпарол на Општа Болница Велес. 

СВР Велес дополи дека  по наредба на јавен обвинител телото било испратено на обдукција во Институтот за судска медицина во Скопје.