Петар Печков

Објавено: понеделник, 11 април 2016 1202 283

Од саботата започна  да се врши реконструкција на тротоарот  во централното градско подрачје, на улица  8-ми септември, од десната страна. Се обновува од спојот на улица Архиепископ Михаил  до спој со улица Коле Неделковски  или од Сармаале до Стара аптека.    

Најпрвин се отстрануваат старите и дотраени плочки, а во текот на наредните денови ќе започне поставувањето на нови бехатонски плочки.  Дел од патеката специјално ќе биде обезбеден за лица со оштетен вид - најавија од локалната власт. 

Инаку, должината на тротоарот кој ќе се реконструира изнесува 350 метри. На одделни места плочките беа сериозно  оштетени, искршени. На други места под нив имаше и вода, така што  се случуваше минувачите да се избербатат по облеката.