Петар Печков

Објавено: петок, 02 септември 2016 712 261

Во четвртокот  вечер  се случи нова железничка несреќа на пругата кон Штип. Има тешко повреден возач на автомобил.

На 1-ви септември  околу 20.25 часот на патниот премин преку железничка пруга Кочани -Велес, на локалниот пат село Ерџелија село Кадрифаково, се случила железничка незгода. Моторна гарнитура сопственост на „Македонски Железници“ АД Скопје  удрила во автомобил „Голф“ со штипски регистарски ознаки, управувано од Д.Ѓ. (40) од Штип.  Во незгодата со тешка телесна повреда се здобил возачот на автомобилот и со возило на Итна медицинска помош бил пренесен во Клиничка болница Штип – изјавија од МВР.  

Во периодот од 20.25 до 23.10 часот, за време на увидот од екипа на ПС Свети Николе, железничкиот сообраќај бил во прекин. На преминот имало поставен сообраќаен знак. Пред една седмица, на железничкиот премин во село Лозово, на пругата Велес – Штип,  автомобил удри во возот, исто така навечер а возачот има неповреден а автомобилот беше сериозно оштетен.