Петар Печков

Објавено: четврток, 07 мај 2015 684 332

Во Ликовниот салон во Велес отворена е изложба на дела на авторката Мирјана Крстева Массети, ликовен уметник од Гевгелија. Изложбата во Велес е нејзина 20-та самостојна изложба и пред публиката се претстави со 35 дела работени во акрил и цртежи во комбинирани техники.

Делата  според ликовните критичари се движат во правец на апстрактната сфера на релација од имагинативно преку лирската апстракција,  до асоцијативно и знаковното изразување.

Светот во кој живее и твори  авторката го доживува на интересен начин како набљудувач. Открива бурни  содржини кои впечатоци  ги претвара во  сложени претстави  - рече Љубица  Кондијанова директорка на Музејот на град Скопје, отворајќи ја изложбата.  Мирјана Крстева Массети е член  на ДЛУМ од 2010 година и добитник на награди и признанија, меѓу кои и на посебна награда ОСТЕН, Светска галерија на цртеж.