Петар Печков

Објавено: понеделник, 02 март 2020 1464 190

На Мегдан меѓу бројните гости  на Чист Понеделник беа и две жителки на месноста, кои тука, во овој дел на Велес, дошле откако се омажиле.  Ружа и Мирослава имаат  ,,стаж,, на жителки на маалото, повеќе од половина век. Со полна душа радост, велат дека традицијата е прекрасна. Кога дојдовме памтиме дека Балкан ги правеше овие работи. Откако тој умре, умре и настанот, замре, немаше кој да го организира. Па Тоде железничарот правеше, па дојдоа младите и они преземаа и еве сега живее. На задоволство на сите - велат во еден глас Ружа Тодорова и Мирослава Коцева. 

Ако радоста од дружењето е голема со тага се сеќаваат дека на Чист понеделник, на Мегдан имало и многу жени, кои сега ги нема. 

Порано имаше и оро, сега го нема.  Жени го играа, постарите од Мегдан. Сега младите невести  ги срам да играат, ниту се појавуваат. Затоа ние ќе ги пресрамиме и еве дојдовме  - додаваат двете.