Петар Печков

Објавено: четврток, 18 април 2013 1016 314

Шеснаесет велешки приватни доктори се казнети оти минатиот месец препишале на пациентите повеќе лекови отколку што е лимитот. Паричните казни се движат од 500 до две  илјада евра. За  ова реагираше и претседателот на Здружението на приватни лекари  на Македонија. 

Прашуваме зошто кога во јавното здравство докторите кои работат повеќе. се вложуваат  и се наградуваат, кај нас во приватното се казнуваат. Сите овие доктори  и амбуланти кои се казнети лекувале и  се грижеле за пациенти. Верувам дека ниту еден од докторите не го пречекорил режимот на препишување на лекови – изјави д-р Лили Чолакова Дервишева претседател на Здружението.

Казнетите доктори  реагираат на казните оти тврдат дека станува збор за голем број на хронично болни и лековите препишани за нив не треба да се сметаат за превенција. Затоа тие бараат промена во  правилникот за издавање на рецепти. Во Велес има 54 приватни амбуланти а од нив 16 се казнети.