Ракометарите на Борец повторно победија

В недела двa фудбалски дерби натпревари, Превалец – Борец, Илинден Башино село – Бабуна

Текст
Слики (1)

Петар Печков

Објавено: четврток, 17 ноември 2016 758 304

Во десеттото коло од Супер лигата ракометарите на ГРК Борец дома ја совладаа седмо пласираната екипа на Радовиш со 29:24, полувреме 15:10. Домаќините во текот на сите 60 минути беа во водство, највисоката предност беше во 40-та минута 19:11, за по пет минути гостите намалат на 21:18. Велешани сепак на крајот стигнаа до нови три бода, пред се со ефикасниот Димитриевски кој постигна 10 гола а Стојановски седум, секако и голманот Димовски со 11 одбрани. Кај гостите Соколов имаше 7 а Милосављевиќ шест гола. Со оваа втора победа за ред, Борец остана осми но сега со 11 бода. Веќе наредното коло е можност за скок на табелата, оти велешани в недела, гостуваат на последно пласираниот Работнички во Скопје кој нема ниту бод.

Во третата лига Југ победи за велешките фудбалски екипи во оваа конкуренција, за Борец 1919 и за Превалец, додека Борец паузираше. Борец дома тешко стигна до победата од 2:1 против претпоследниот Росоман 83, со гол во финишот. Така постариот велешки лигаш останува втор ан табелата со 25 бода. Превалец со 3:0 славеше на гостувањето во Миравци против Зорбас Победа. Така помладиот велешки лигаш по 10 кола е петти со 19 бода. Гемиџии не го одиграа натпреварот против 11-ти Октомври кој бидејќи претходно не одиграл две средби е избришан од лигата. Во наредното коло се игра градското дерби Превалец – Борец 1919, недела во Превалец. Гемиџии играат на Градски со Големо Коњари кој е десетти со девет бода.

Се одигра и претпоследното десетто коло на Општинската фудбалска лига, постигнати се следните резултати:

Младост – Илинден БС 0:1

Форца нова – Мартолци 3:1

Горски – Башкими 2:3

Бабуна - Бирлик 3:0

Тополка – Интернационал 8:4

екипата на Мак. Сонце слободна

Т А Б Е Л А

1. Бабуна 9 8 0 1 34:7 24

2. Илинден БС 9 8 0 1 25:6 24

3. Македонско сонце 9 6 0 3 32:16 18

4. Мартолци 9 5 1 3 28:20 16