Петар Печков
Објавено: среда, 27 октомври 2021
Нови 19 лица се позитивни на ковид-19 од Велешко, изминатите 24 часа. Ова е податок од Министерството за здравство а во истиот период оздравени биле седум пациенти. Бројот на активни случаи во велешко повторно расте и стигна до 328.
Во велешка Болница бројот на згрижени пациенти е ист како вчера, 48, од нив 21 се на Инфективно одделение и 23 во Модуларната болница, додека четворица пациенти се на Интерно одделение.
Од вкупниот број хоспитализирани пациенти, 34 се потврдено позитивни, еден е непотврден и девет се негативни, но со здравствени проблеми. На кислородна поддршка се 18 пациенти.
„Има четворица ново примени пациенти, двајца се во Модуларната, едниот од нив е префрлен од Интерно и еден донесен со возило на Итната помош и двајца нови пациенти во Инфективно. Испишани како оздравени со по еден негативен тест, се тројца пациенти“- кажа д-р Елена Левкова Ќулумова, портпарол на велешка Болница.
| Tweet |
