Петар Печков

Објавено: четврток, 22 декември 2016 1426 299

Екологистите од ЕД Вила Зора реагираат на праксата во реката Вардар да се фрлаат користени автомобилски гуми.  За ова тие дознале  со јавувања на граѓаните по телефон и преку електронска пошта.   Затоа тие до сторителот, кој за нив е познат, испраќаат  јавна опомена, пред да поднесат прекршочна, за што имале и фото материјал. 

Преку ,,Зелениот сервис за граѓаните,,, пристигна пријава за исфрлање на автомобилски гуми во коритото на реката Вардар од еден сопственик на вулканизер во Велес. ЕД Вила Зора од Велес испраќа ЈАВНА ОПОМЕНА до сопственикот, кој сам ќе се препознае, да прекине со фрлањето стари гуми во реката Вардар и гумите кои се веќе фрлени во реката Вардар, лично да ги отстрани. Имаме докази и очевидци на стореното дело, за што од Државниот инспекторат може да му бидат изречени повеќе прекршочни санкции и пријави  – стои во писмената информација на ЕД Вила Зора. 

Бидејќи  реката Вардар е под ингеренции на Министерство на животна средина,  екологистите најавуват дека  ќе  поднесат пријава до Државниот инспекторат, ако сопстеникот вулканзиер не го стори бараното.