Петар Печков

Објавено: петок, 15 април 2016 1357 332

Минатата седмица во студиото ,,Ансатасија,, во Скопје заврши снимањето на новата, обновена верзија на македонската народна песна ,,Пушти го коработ ле гемиџиче,,. Песната е дел од старите песнарки на Васил Хаџиманов, таму ја пронашол велешанецот Љупчо Данов.

Текстот за нумерата наменета за Гемиџиите, го препеа токму Данов а ја снимија повеќе велешки музичари, собрани за потребите на оваа песна,  Крсто Џгуров, Стојанче Иванов, др.Ефтим Димитриев и Златко Кајшаров 

Песната е запишана  од Хаџиманов 1937 г. во село Мрежичко, Кавадаречко.   Настанала околу 1910 год., некогаш била пеана, па заборавена.  Крсто Џгуров и Стојанче Иванов направија нов аранжман, а Ефтим и Златко ни се придружија и во тонското студио ,,Ансатасија,, во Скопје, точно на празникот Благовец, се сними песната - обајснува Данов.  

Фолк нумерата ќе  се промовира во деновите пред почетокот на годинешнава Вардарска  Регата  која се одржува  при крајот на месец јуни, во чест на велешките Гемиџии. Веќе е направен омот, испечатено е и изрежано промотивното ЦД а  екипата која ја обнови песанта ,,Пушти го коработ ле гемиџиче,,  се надева дека таа ќе стане своевидна химна на Регатата.