Петар Печков

Објавено: вторник, 27 јануари 2015 857 257

СВР Велес  поднесе кривична пријава против К.Г. (24) од Велес, поради основи за сомнение дека сторил кривично дело „разбојништво“ над три сириски државјани .

 Според полицијата настанот се случил на 27 ноември минатата година,  на железничката пруга Гевгелија - Велес, во близина на вливот на реката Бабуна во Вардар.  К.Г.  заедно со уште две засега непознати лица, ги пресретнале тројцата сириски државјани и им се претставиле како полицајци, по што побарале од оштетените да им ги дадат парите.

Еден од разбојниците  им се заканил со  пиштол, го репетирал и им наредил да легнат на земја, по што ги нападнал,  удирајќи ги со раце и нозе по телото. Откако легнале на земја на тројцата емигранти им одзеле 600 евра и четири мобилни телефони, по што  разбојниците се оддалечиле во непознат правец.  

Тие сториле материјална штета на сириските државјани од околу 60 000 денари а полицијата трага по другите двајца строители.