Петар Печков

Објавено: четврток, 07 декември 2023 159 26

Со вчерашната крводарителска акција, одржана во Гимназијата Кочо Рацин, заврши есенската сесија на дарување крв во средните училишта во градот.

Во трите - Коле Неделковски, Кочо Рацин и Димитрија Чуповски, собрани се 85 крвни единици. Од нив 61  се дарители по прв пат.

Така учениците за прв пат ја даруваа нивната најскапоцена течност и станаа дел од фамилија на хумани луѓе на планетата.

Најмногу крвни единци се реализирани во „Коле Неделковски“ -46, па во Гимназија „Кочо Рацин“ 21 и во Хемиското училиште „Димитрија Чуповски“ -18. Поради малиот број на ученици во четврта година во економското училиште, таму не е реализирана крводарителска акција. 

Акциите беа организирани и реализирани од Општинската организација на Црен крст Велес и од Институтот за трансфузиона медицина од Скопје.