Петар Печков

Објавено: понеделник, 11 мај 2015 825 326

Фудбалерките на Борец во 16-тото коло од Првата лига се поразени во Струмица од екипата на Тиверија Истатов со 2:0.  Тоа беше соседско дерби, на две екипи со сличен квалитет.   По ова коло Борец останува 6-ти со 19 бодови.  Во следното, претпоследно коло велешанки повторно гостуваат во кочанско Оризари против екипата на Младост, која има бод помалку од  Борец.

Во ова коло принудно, поради безбедносни причини натпреварите не ги доиграа екипите на кошаркарите на Борец Баскет во  Скопје, против екипата на Шкупи и ракометарите на ГРК Борец исто  така во Скопје против екипата на Ринија.    

Во натпреварите од Третата фудбалска лига екипата на Борец 1919 изненади во Прилеп против четврто пласираниот Партизан од   Обршани   со победа од 3:1. Превалец дома славеше во дербито со второпласираниот Вардар Неготино со 2:1, но и натаму домаќините остануваат трети на табелата.  Бабуна беше слободна и падна на  10-тото место  oд 12 екипи и се наоѓа во тешка ситуација за опстанок во ова друштво.  Во следното претпоследно коло Борец 1919   кој е петти со 25 бода, дома игра со  11-ти Октомври, Бабуна гостува на Вардар од Неготино, додека Превалец гостува на лидерот Победа  од Прилеп.