Петар Печков

Објавено: петок, 27 декември 2013 865 271

Тројца велешани добија  вкупно 15 години затвор за грабеж над илегалци од Африка.   Во основниот суд во Велес Ване Андреев ( 54 год), Александар Картинов (26 год) и негова сопруга Соња Картинова (21 год)  беа прогласени за виновни и добија по пет години за кривичното дело разбојништво.

Според обвинението   на 22 јули  годинава,   вечерта  околу 19.30 часот на патот меѓу две велешки села Мамутчево и  Иванковци  биле нападнати седуммина илегалци,  бегалци од Африка. 

Откако претходни  Андреев и Картинов како таксисти ги оставиле во пустелијата, далеку од патот кој илегалците го барале, кон Србија, вечерта заминале да ги ограбат.  Ги пронашле а со нив била и сопругата на Александар, Соња која чувала стража додека двајцата ги пљачкале со закана од нож.  По ова преплашените  илегалци  ги собрале парите што ги имале 1.100 евра.

Пред да заминат разбојниците ги натерале илегалците  да легнат на земја, по што  со автомобилот побегнале. Неколку дена сторителите беа во бегство. Во текот на судењето, обвинетите посочиле дека во  нивната акција имало и други двајца, па сега истрагата е проширена со нови лица кои учествувале во  разбојништвото. Осудените имаат право на жалба.