Петар Печков

Објавено: четврток, 21 јуни 2018 2195 225

На Вонредна седница на Советот на Општина Велес на која присуствуваа 18 советника,  беа донесени две одлуки, поврзани со трагедијата која го снајде семејството Давчевски, откако три деца им изгореа во пожар, кој го зафати семејниот дом.  

Советниците одлучија петок 22 јуни да биде Ден на жалост во Општина Велес . При тоа се откажуваат сите културни и спортски манифестации  Угостителските објекти на територијата на Општината се обврзани да емитуваат сериозна музика. Закажаните свадби во вечерните часови не влегуваат во оваа одлука.  

Советот одлучи на семејството Давчевски да му исплати еднократна парична помош во висна од 100 илјади денари како и  да се плататат гробни места за три деца во висна од 13,5 илјади денари  а заедно со Центарот за Социјални грижи да се организира нивниот  погреб.  Градоначалникот Аце Коцевски  информираше дека синот на  Марина Антониевска, Стефан кој живеел во заедница со Давчевски ќе се вработи во ЈКП Дервен. 

Од Центарот за Социјални грижи од  Велес информираа дека  семејството Давчевски претходната ноќ ја минале во Противпожарната единица и дека се упатени да пронајдат стан, каде ќе живеат а киријата ќе ја плаќа оваа институција.