Петар Печков

Објавено: четврток, 14 мај 2020 1302 171

Вчера попладне  автомобил  излетал од патот и паднал на железничката пруга кон Гевгелија. На автомобилот налетал  товарен воз, но среќна околност е што го видел и сопрел навреме.

Во автомобилот имало петмина патници, наспроти препораките на Владата дека може да бидат до три лица, вклучувајќи го и возачот.  Несреќата се случила околу 19 часот, на регионалниот пат Велес - Градско, близу Агриа, кој е забранет за сообраќај, поради изведување на   градежни работи.

Патничко возило „Рено“ со скопски регистарски ознаки, управувано од Б.Д.(22) од Куманово, изетало од патот и паднало на пругата а на него налетал товарен воз кој сообраќал од Велес за Гевгелија. . Во возилото биле и сопатниците А.К.(25), С.К.(21) и тримесечно бебе, сите од Неготино и Ш.М.(27) од Куманово - информираше Верољуб Додевски протпарол на СВР Велес. 

Од МЖ  соопштија дека според брзината на возот, кажувањата на машиновозачот, возилото било на пругата, тој го видел правовремено  сопрел и возот  не  бил причина за  повредете на патниците. 

Први на помош пристигнале велешките пожарникари кои од оштетеното возило ги ваделе патниците. Со две екипи и  две возила интервенирала  Итната помош од Велес. Откако им била дадена прва помош на повредените, биле имобилизирани, биле  префрлени во велешката Болница.

Двесет и седумгодишен пациент поради повреди на лумбална кичма е препратен  на  Клинички во Скопје, како и три месечното бебе поради повреди на главата. Но тоа е вратено назад и е задржано на одделение и неговата мајка како придружба. Таа и другите две донесени лица, кои се пуштени на домашно лекување  се со лесни повреди - информираше д-р Весна Николовска Неделкова, портпарол на Општа Болница Велес.   

Поради увид на местото на настанот, железничкиот сообраќај од Велес кон Гевгелија и обратно беше во прекин до 23,40ч.

 фото архива