Петар Печков

Објавено: среда, 29 август 2018 709 236

Американски конгресмени, кои вчера  попладне беа во посета на Велес, интерес покажале за соработката на локалната со централната власт. Бил Флорес претставник на Тексас, Дејвид Прајс претставник н Северна Каролина, Дина Титус пшретставник на Невада, Гери Коноли претставник на Вирџинија и Сузан Дејвис  претставник на Калифорнија, имаа одвоени средби, кои беа затворени за јавноста,  со пратениците во Парламентот  од Повардарјето  и со градоначалникот и советниците од Велес. На нив присуствуваше и американскиот амбасадор во Скопје Бејли. 

На одделна средба со пратениците Панче Иванов, Илија Димовски, Иван Ивановски, Бетиане Китев,  Лилјана Затуроска, Агим Муртезани, Славица Шуманска –Митева и Емилија Александрова се разговараше за подобрување на механизмите со кои пратениците го пренесуваат барањата на граѓаните во законодавниот дом - стои во соопштението на Општина Велес, која беше домаќин.   Претходно средби имаа со  по пет советници од владејачката СДСМ и пет од опозиционата ВМРО-ДПМНЕ плус претседавачот на Советот на Општина Велес.   Тема била подобрувањето на соработката на локалната со централната власт.

Петте американски конгресмени од САД остварија средба со градоначалникот Коцевски и  членовите на Советот на Општина Велес на која  беа разменети искуства и идеи за зајакнување на комуникацијата на општинските советници со централната власт со цел поефикасно преточување на приоритетите на граѓаните и локалните власти во политиките на делување на централните власти информираа од Општина Велес. 

Претставници и од власта и од опозицијата изјавија дека наспроти очекувањата дека  референдумот  ќе биде носечка тема,  тој воопшто не бил поставен како прашање, освен со констатацијата дека ,,Македонија ја чека важна одлука на 30-ти септември,,.