Петар Печков

Објавено: недела, 07 април 2024 493 25

Велешкиот кајакар, Ангелче Петрушев  како член на македонската кајак репрезентација победи на меѓународниот кајак куп  ИКАС 2024. Тој во финалето на кајак слалом на диви води во К-1 имаше најдобар резултат и за скоро една секунда беше подобар од исто така велешанецот Стефан Рибарски и двајцата членови на ККК Вардар од Велес. Третото место го освои членот на селекцијата на Србија Милан Ѓорѓевиќ, со секунда и пол заостаток зад победникот. 

 Петрушев претходно го освои ИКАС 2019,2021,2023 година. 

Ова беше 55-то издание на ИКАС 2024 кое понуди возбудливи натпревари посбено во најсилната категорија К1 мажи.На овој силен меѓународен кајак куп натпревар учествуваа репрезентации од шест  земји, освен домаќинот Македонија, и од Грција, Србија, Турција, БиХ, Романија, а се веслаше и во  Ц-1, и во машка и женска конкуренција.

Наредните викенди ќе се веслаат изборните натпревари за составот на македонската кајак репрезентација за настапите на Европското и Светското првенство во сениорска и јуниорска категорија како и за Светските куп трки.

За посетување кајак слалом е олимписка дицисплина, за разлика од кајак спуст кој го нема тој статус.  Младиот велешанец Ангелче Петрушев (19 год) е на листата на Меѓународниот Олимписки комитет за да добие вајлд карта за учество на Олимпијадата во Париз, во ситуација кога ниту еден македонски спортист нема обезбедено олимписка норма. 

фото Кајакарска федерација на Македонија