Петар Печков

Објавено: недела, 05 јануари 2020 1099 174

Денес напладне, гостилница ,,Боеми,,  делеше бесплатно храна за велешани. Таа беше наменета за најранливите, социјално загрозените случаи. Се поделија 200 оброци. Граѓаните добија парче риба, гарнир и леб, бидејќи во тек се Божикните пости.   

Ова е акцијата ,,,условен оброк,, со која  делиме бесплатни оброци за социјално ранливите категории.   Било кој наш сограѓанин, може да дојде во гостилницата и да плати еден оброк и кога ќе собереме доволно оброци, ги испорачуваме на тие што им треба. Интересот  денес за оброк е послаб, што се должи на ладното и ветровито време. Оброците ги делиме во пресрет на Коледе и Бадник. Ова акција денес,  во најголем дел ја помогна ТА Мартин и Пан промет. - Велес - кажа Трајче Мешков, сопственик на гостилницата. 

Вакви акции гостилница ,,Боеми,,имала и претходно организирано, а ова е прв пат тоа да биде јавно пред објектот.  Тие претходно биле организирани наменски за одредени христијански празници и биле доделени 600 до 700 оброци.  

Ги повикувам правните лица, компаниите, фирмите од градов, бидејќи гладот кај нашите сограѓани не завршува денес, да помогнат за некоја следна акција - додаде Мешков.