Петар Печков

Објавено: четврток, 28 декември 2023 129 29

 
Шест филма на репертоарот на 3Д киноверзум следните седум дена, од нив еден  е премиера.
Биографскиот филм „Ферари“ е спортска драма во летото 1957 година, кога автомобилската империја на Енцо Ферари е во криза.

Американскиот филм акција,  авантура и фантазија „Аквамен и изгубеното кралство“ . Аквамен ги балансира своите должности како крал и како член на Лигата на правдата, сето тоа додека планира свадба. Блек Манта е во потрага по атлантска технологија за да помогне во обновата на неговиот оклоп. Орм планира да избега од неговиот затвор во Атлантида. 

Најгледаниот филм во светот изминатите два викенда „Вонка“  трета  седмица е пред велешката кино публика.  „Вонка“, музички СФ филм, бајка. Дали сакате да знаете како започна сѐ? Откријте го потеклото на Вили Вонка и неговата средба со фасцинантните Умпа-Лумпа во неговите најрани авантури. Базиран на неверојатниот лик од приказната Чарли и чоколадната фабрика, Вонка ја раскажува приказната за најдобриот изумител, магионичар и чоколатиер и како тој се претворил во Вили Вонка што го знаеме и денес.

МАША И МЕДО – УШТЕ ПОЗАБАВНО!"од 30 ноември синхронизиран на македонски.  Дванаесет месеци волшебни моменти и впечатливи авантури! Доживејте ја волшебната Божиќна приказна.

Македонскиот цртан филм „Звуците на Новата година“, е дел од популарниот детски проект „Светот на Биби“.Во цртаниот филм, Биби, Боби, снешкото Гого, Дедо Мраз од Заз, роботчето Р1 и мистериозните чувари на Заз се обединуваат за да ја спасат целата музика во универзумот. Режисери се Димитар Аризанов и Јосип Здравковски, гласовите ги позајмуваат актерите Слаѓана Вујошевиќ, Сашко Коцев, Никола Ристановски, Сашка Димитровска и Дамјан Цветановски, а музиката е на Ангел Ќосев.

Цртаниот филм „Елементал“ е дело на студиото на Волт Дизни.  Филмот ги следи Ембер и Вејд - необичен пар од градот каде сите елементи – оган , вода, воздух и копно  живеат заедно. Огнената млада девојка и лабавото момче ќе откријат колку многу тие имаат взаемно.